ESTHER 5

Esther cu hramhram in siangpahrang hmaika ah a va lut

5 1 Nithumnak ni, thlacam a dih tika, a ngaihchiatnak hnipuan cu aa phoih i aa dawh khawh chung in aa thuam.  2 A tleu bak in a tleu, cun mi vialte a zohkhenh i a khamhtu Pathian kha bawmhnak a hal. Sin-um pahnih kha aa ṭhit hna.  3 Pakhat cung ah din tein aa hngauh i a 4dang pakhat nih a hnipuan thluanpi par kha tlaih bu in a zulh.  5 A hmai cu rose pangparbor bang a een, a hmai cu dawtnak le lawmhnak he a lek nain a lungthin cu ṭihnak in a khat.  6 Innka pakhat hnu pakhat a lonh hnu ah siangpahrang hmaika a phak cang kha a hngalh. Amah cu a siangpahrang bawihlawn tling he a bawiṭhudan cung ah a ṭhu i sui le lung mansung he a tleu tikah ṭihnung a si ko.  7 A vun cau i a zoh tikah a mithmai cu innpi rumra he a ceu i thinhunnak he amah kha a vun zoh tikah siangpahrangnu cu a tha a cat, a hmai zong rau phunphai in a um i a tluk deng tikah sin-um nu kha i hngauh pah in a zulh.  8 Sihmanhsehlaw Pathian nih siangpahrang lung cu a thlen i a lung a nemter. Thinphan in a bawiṭhutdan in a tho i aa hrimh hlan lo a pom. Siangpahrang nih hnemhnak in a chimh mi cu:  9 Esther, zei dah a cang? Kei cu na ṭa pei ka si cu. Ţih hlah. 10 Kan zulhphung cu zaran hna ca ah a si i na thi lai lo, ra ko,’ tiah a ti. 2 11 Cun a sui feipi cu a cawi i Esther hngawng cung ah a khin, 12 cun amah kha a kuh i, ‘Ka chim tuah,’ tiah a ti.  13 Esther nih, ‘Nangmah cu Pathian vanmi pakhat bang in kan hmuh i na lianhngan tuk caah ka lungthin nih a celh lo.  Kei ka ca ah nangmah cu khuaruahharnak muithlam na si i na hmai cu zaangfah duhnunnak in a khat,’ tiah a ti.   15Sihmanhsehlaw cuti a chim pah in a tha a dih i a tlu ṭhan.  Siangpahrang cu a thin a phang chinchin, cun a zungbawi hna cu amah hrimṭhannak caah hehchet ti in an cawl.

Siangpahrang nih, ‘Esther bawinu, zei dah a cang? Zei dah na duh ka chim tuah; ka pennak i hnarcheu na ka hal hmanh ah kan pek ko lai,’ tiah a ti. Esther nih, ‘Zaangfahnak in, nihin amah ca ka timh mi rawldanghnak ah siangpahrang cu Haman he a ra kho hnga maw?’ tiah a ti. Siangpahrang nih, ‘Esther lungngam nak ah atu rat colh ding in Haman cu va chim u,’ tiah a ti.

 Cun siangpahrang le Haman cu Esther nih a timh mi zanriah cu an va dum i 6zanriah an ei lio ah khan siangpahrang nih Esther cu, ‘Na ka hal mi cu zei dah a si, kan pek cang. Na duh mi cu ka chim tuah; ka pennak i hnarcheu a si hmanh ah hal ding cu nangmah rian a si,’ tiah a ti.  7Esther nih, ‘Ka duh mi cu zei dah a si, kan hal mi cu zei dah a si? 8Siangpahrang mithmai ṭha ka hmuh a si ahcun cun kan hal mi pek na lung a tlin i kan hal mi na hna a tlak ahcun thaizing ah tuah ka timh mi zanriah ah siangpahrang le Haman cu rak ra hna seh, cun siangpahrang nih a chim bantuk in ka tuah lai,’ tiah a ti.

9Cu ni ah Haman cu lunglawm thanuam in a kir, nain innpi hmai i Modekai cu a dir zong dir lo amah zong zoh lo in a um kha a hmuh tikah a thin a lin taktak. 10Sihmanhsehlaw a thin aa sum; inn ah a rak ṭin, cun a nupi Zeres le a hawile cu a auh hna i annih kha 11a lek in a lek mi a rumnak hna, a fale hna, siangpahrang nih amah kha a cawisan i adang bawi le zung rianṭuan hna cung ah a chiah i amah aa bochannak kong kha a chimh hna i a hmuhsak hna.  12Amah nih, ‘Cu lawng a si rih lo, siangpahrangnu Esther nih a timh mi zanriah ah amah le siangpahrang kha a sawm cang hna -amah lawng- cun a um rih, thaizing zong kha keimah le siangpahrang cu a kan sawm rih. 13 Sihmanhsehlaw Jewmi Modekai chungṭuan zung ah a ṭhut chung poh cu hi vialte hi zei ah dah ka rel hna lai?’ tiah a ti. 14 Cu tikah a nupi Zeres le a hawile hna nih dong sawmnga a sang mi mithlainak tung cu a um ko a si lo maw, thaizing ah siangpahrang cu chim law Modekai cu thlai ko. Cun vawleicung ah zei thinphannak hmanh um  lo in siangpahrang he zanriah dumnak ah na kal kho lai,’ tiah an ti. Cuti ruahnak an pek mi nih Haman lung a ton ngaingai i tung cu a bunhter hna.