SALM 52:1-9

Chiatnak lawng hmuh a hmang mi nunnak

52 1 Nannih, chiatnak ah bual a co mi hna zeiruangah dah nan chiatnak ah nan i porhlawt, 2 chun nitlak in `hatlonak khua nan khaang, nannih leirawi thiam hna, nan lei cu cehrep-har hrimhrim a si ko.

3 Thil`ha nakin thil `halo, dinfelnak nakin lihchim kha nan i thim deuh. 4 Nannih rawihmang lei hna, midang kong ceih hi nan i nuamhnak a si. 5 Cucaah Pathian nih an den dih te hna lai i voikhat ah zungzal ca in an hrawh te hna lai; nan thlam cu a phur hna lai i a nung mi hna ram in an phawi te hna lai. 6 Miding nih an hmuh tik ah an khuaruah a har te lai i an i nihsawh te hna lai. 7 Annih nih,‘Aa hngatchannak kha Pathian ah chia lo in a rumnak kha aa bochan i thilsual tuahnak in mi`hawng ah aa ser mi cu hihi an si ko,’ an in ti te hna lai. 8 Sihmahsehlaw keimah cu, Pathian inn i olive hnah bor bang, Pathian i a fek mi a dawtnak cu zungzal in kaa bochan. 9 Na rak tuah mi caah zungzal in kan thang`hat lai, cun an zumtu hna hmaika ah, `hatnak in cu tluk a khat mi na min cu kaa bochan zungzal lai.