77

Israel tuanbia kong ruah`hannak

77 1 Pathian sin ah ngaihchia in ka au. Pathian sin ah ka au i a ka leh.

2 Ka ngaihchiat caan ah Bawipa cu ka kawl; zan khuadei ngol lo in ka kut cu ka thlir, ka lung

nih hnemh a duh lo. 3 Pathian kong ka ruah ah ka thawpi ka chuah, a kong ka ruah ah ka tha

a dih.

4 Ka mit na ka chinhter lo, ka thluak a buai tuknak ah bia hmanh ka chim kho lo; 5 khuatuan

lio caan kha ka ruat `han hna, 6 hlan kum tampi lio caan kha kaa theih `han hna; zan

khuadei ka lung ah an cam, khua ka ruah ah ka lung nih hi biahalnak hi a tuah.

7 Bawipa nih zungzal ca in maw a kan hlawt? A mithmai`ha cu a kan hmuhsak `han bal ti lai

lo maw? 8 A fek mi a dawtnak cu a dih cang maw? A bia cu zungzal ca ah maw a dong

cang? 9 Pathian nih maw a zaangfahnak langhter a philh cang dahra? A thinhun in maw a

zaangfah dawtnak innka cu a khar cang?

10 Cun keimah nih, ‘Hihi ka lung a ka fahter mi a si, Cungnung Bik i orhlei kut cu a tha a dih

cang’ ka ti. 11 ‘Bawipa i tuahsernak lianngan hna cu ka philh hna lo, hlan i khuaruahhar thil na

tuah mi hna cu ka philh hna lo, 12 Na tuah mi vialte cu ka ruat `han hna, thil lianngan na rak

tuah mi vialte cu ka tuaktan `han hna.

13 Pathian, na lam cu an thiang! Kan Pathian tluk in mi zei pathian dah a lianngan? 14 Nang

cu khuaruahhar thil a tuah mi na si, miphun hna cu na `hawnnak na hmuhter hna, 15 na ban

in na mi hna, Jacob le Josef fale, hna cu na tlanh hna.

16 Pathian, ti hna nih an in hmuh tik ah, an in hmuh tik ah lungsivang in an um, rili thukpi cu

`ihnak in a khat. 17 Khuadawm hna nih ruahti an thlet, van cu khuari bang a tur, na thal cu

hnuhmai ti lo an zuang.

18 Na khuari tur thawng a thang, na nimtlau nih vawleicung cu a ceuh dih, vawleipi cu a kak i

aa cheu. 19 Na lam cu rilipi cung in a si, na lam cu rilipi ti cung ah khan a si, aho hmanh nih

na keneh cu an dawi kho lo.

20 Moses le Aaron kut in tuu bang na mi cu lam na hruai hna.