SALM 62:1-12

Pathian lawng i bochan

62. 1 Pathian chung lawng ah hin ka thlarau ca ah dinhnak a um, ka himnak cu amah sin in a ra; 2 amah lawng hi ka lungpi, ka himnak, ka ralhruang a si, cucaah fek tein ka dir. 3 Zeican tiang dah thah timh in, mi pakhat cu, hmunkhatte ah, nan doh lai? a sawn mi parthlam le a rawp mi vanpang bang?

4 Khuakhannak an ngeih chun te cu zernak, an i nuamhnak pakhatte cu hlennak, lih an chim buin thluachuah an pek, an chung in cun chiat an serh. 5 Ka thlarau, Pathian sin lawng ah hin i din tuah! Amah cu kaa ruahchannak hrampi a si. 6 Amah lawng hi ka lungpi, ka himnak, ka ralhruang a si, cucaah fek tein ka dir. 7 Pathian chung ah ka himnak le ka sunparnak a um, amah cu ka `hawnnak lungpi a si. 8 Pathian cu kaa dornak; nannih minung hna amah cu zungzal i bochan tuah u. Amah ah nan lungthin burh u, Pathian cu kan i dornak a si. 9 Mi zaran hna cu thli voikhat chem men an si, mi pipa hna cu hlennak men an si, cuai kan thlai hna tik ah thli voikhat chem nakin an zaang deuh. 10 Chuh mi thil cu i bochan hlah, fir mi thil cu i ruahchan hlah; zei tluk in an chawva a karh zong ah na mit va thi hlah. 11 Pathian nih voikhat a rak chim cang, hihi voihnih ka rak theih cang: ~hawnnak cu Pathian ta a si, 12 Bawipa, a fek mi dawtnak cu nangmah ta a si; cun mi vialte cu an tuahsernak nih a hlawk ning cio in na pek hna.