113

Sunparnak le zaangfahnak Pathian sin ah

Alleluia!

113 1 Bawipa salle hna, thang`hat tuah u, Bawipa min cu thang`hat tuah u. 2 Bawipa min cu

thang`hat si ko seh, atu in a zungzal tiang. 3 Ni a chuah in a tlak tiang Bawipa min cu

thang`hat si ko seh!

4 Miphun kip cung a bawi mi cu Bawipa a si, a sunparnak cu van nakin a sang. 5 Bawipa kan

Pathian bantuk aho dah a um? A bawi `hutdan cu cungsang ah a chiah, 6 sihmanhsehlaw

van le vawlei zoh awk ah a rung kun.

7 Misifak cu leidip in a cawi hna, miharsa cu nawncek in a thawh hna, 8 annih kha bawi fale

hna lak, a mi bawi fale hna lak ah hmunhma a pek hna. 9 A cing mi nu cu hnangam tein inn

ah a umter, fapa tampi a ngei mi thluachuahnu ah a cang, Bawipa cu thang`hat u.