103

Pathian cu dawtnak a si

103 1 Ka thlarau, Bawipa cu thang`hat tuah, ka nunnak dihlak a min thiang cu thang`hat

tuah; 2 ka thlarau, Bawipa cu thang`hat tuah, dawtnak in thil a tuah mi vialte cu philh bal hna

hlah.

3 Na sualnak vialte an ngaihthiam, na zawtnak vialte in an damter, 4 na nunnak cu mithi khua

in a chuah, a fek mi dawtnak le nemnak in luchin an chinh; 5 na nunchung vialte thil`ha in a

khimter i vanlai mupi bang na mino thazaang cu a tharchuah.

6 Bawipa cu dingfelnak he rian a `uan, dinnak he hremmi vialte cu bia a ceih lai; 7 Moses sin

ah a lam hna le Israel fale hna sin ah a tuah mi thil lianngan cu a phuan.

8 Bawipa cu a nun a nem i zaangfah a thiam, a thin a fual i a fek mi dawtnak in a khat; 9 a

aipuan cu an dam zau; cun a thinhun cu zungzal a si lo; 10 kan sual ning in dan a kan tat lo,

cun kan tuah ning in a kan lehrul lo.

11 Van cu vawlei in a san tluk khin a fek mi a dawtnak cu amah a `ih mi hna ca ah a ngan ve.

12 Nitlak le nichuah an i hlat tluk khin kan sualnak cu hlatpi ah a kan `hialpiak ve.

13 A Pa nih a fale hna cu nemnak he a chimhhrin hna bang, Bawipa nih amah a `ih mi hna cu

a chimhhrin ve hna, 14 zei in dah ser kan si ti cu a hngalh i leidip kan si cu a philh lo.

15 Minung a si bang― a kumkhua cu ram bantuk a si, ramlak pangpar bang an par; 16 thli a

vun hran cun an lo `han, hmuh khawh an si ti lo.

17 Sihmanhsehlaw amah a `ih mi hna ca ah, a fek mi a dawtnak cu zungzal in zungzal tiang

le a khamh-dinnak cu an techin fapar hna nih 18 a biakamnak le a phunglam kha fel tein an

zulh chung poh cu zungzal tiang a hmun.

19 Bawipa nih a bawi `hutdan cu van ah khin a toh i a sunpar lianhngannak cu zeizong vialte

cung ah a chiah cang. 20 Nannih a vanmi vialte hna, Bawipa cu thang`hat tuah u, a nawlbia a

tlinter mi ralkap `hawng`hawng hna, amah kha thang`hat tuah u, a bia kha `ha tein ngai tuah

u.

21 Nannih a ralkap vialte hna, Bawipa cu thang`hat tuah u, a duhnak a tuah mi a salle vialte

hna thang`hat tuah u. 22 Nannih a ser mi vialte hna, amah a pennak chung poh ah Bawipa cu

thang`hat tuah u.

Ka thlarau, Bawipa cu thang`hat tuah.