112

Miding thang`hatnak

Alleluia!

112 1 Bawipa kha a `ih i a nawlbia ah aa lawm mi cu zei tluk thluachuah an si! 2 A tefa hna

cu vawlei ah an lianngan lai, milungthiang phun nih thluachuah an co lai.

3 A chungkhar ca ah rumnak le chawva a um lai i a dinfelnak cu a hmun lai. 4 Zeicahtiah

amah cu milungthiang, misiang, minunnem le miding hna caah khuamui lak mei-inn bang a

tlaang.

5 Zaangram lo in a cawihtu, a tuah mi kip ah a lung a thiang mi hna ca ah zeizongte cu an

tluang; 6 zei tik hmanh ah a tlu a ril lai lo, miding cu philh an si bal lai lo.

7 An ca ah thawngpang chia cu `ih an nung lo, a lung a fek i Bawipa kha aa bochan. 8 A lung a

hmun i a ral hna kha a `ih hna lo, a ral hna cung ah a di a riam te lai.

9 Miharsa kha zaangram lo in a pek hna, a dinfelnak cu zungzal fek tein a dir, a minthannak

cu a `hawnnak cung ah aa hngat.

10 Amah kha an hmuh tik ah mi`halo cu an ing a puang, an hacang an rial i an dih ko. Mi`halo

hna duhnak cu a tling kho bal lo.