SALM 32:1-11

Fiang tein sual i phuannak

32 1 An palhnak ngaihthiam a si i an sualnak lakpiak a tong mi hna cu zei tluk thluachuah dah an si. 2 Bawipa nih sual a phawt lo mi milung thiang cu zei tluk thluachuah dah an si. 3 Bia kaakhat hmanh ka chim lo, nain chun nitlak ka hrumnak ah ka ruhkhua cu an tlong dih cang; 4 chun he zan he na kut nih a ka nenh; 5 ka lung cu `hal khuaro fangvui hmui bang a kak dih cang. Ka sualnak cu kan chimh i ka palhnak cu ka thup bang lo. Keimah nih, ‘Bawipa sin ah ka sualnak ka phuan lai,’ ka ti. Cun nangmah nih, ka sualthurnak cu na ka lakpiak i ka sualnak cu na ka ngaihthiam dih. 6 Cu ruangah an zum mi kip nih harnak caan ah na sin ah thla an cam. Tilian nganpi a tlun hmanh ah an zumtu hna cu a phan bal hna lai lo. 7 Nang cu kaa dornak na si, retheih caan ah na ka ven, ka velchum cu tlanhnak hla in na khahter. 8 Na kalnak ding lam cu kan chimh lai i kan cawnpiak lai; nangmah cu kan zohkhenh zungzal lai. 9 Rang le laa bantuk in um hlah, annih cu hri le chak an hngal lo; tlaih awk ah na fuh hna ahcun zeitik hmanh ah an in naih bal lai lo.10 Relcawklo harnak cu mi`halo hna ca ah khon a si, hmanhsehlaw Bawipa aa bochan mi hna cu a fek mi a dawtnak nih a tuamhlawm hna.11 Nannih miding vialte hna, Bawipa ah i lawm tuah u, nannih milungthiang hna, lawmhnak he au tuah u.