SALM 16:1-11

Bawipa ka rosung

16. 1 Maw Pathian, nangmah toi ah kaa dor i kan bochan ko, ka huppheng ko sawh.2 Bawipa sin ah cun, ‘Nang cu ka Bawipa na si. 3 Ka lunglawmhnak cu khuazei leimi thlarau thiang hna hmanh ah a um lo. Annih tham cu anmah a daw mi hna an thi dawp lawng pei an thiam ko cu.4 Mi cu an milem hna kha an fuh lulh hna, Annih cu thawinak ka pekchanh bal hna lai lo! Ka hmurka in an min ka chim bal lai lo.5 Bawipa cu ka covo ro le ka hrai a si, Bawipa nang, nangmah lawng, hi ka himnak na si. 6 Ka co ding mi ram cu hmun`ha ngai a si, ka ro hmun cu duhnung ngai a si.7 Ruahnak `ha a ka petu Bawipa cu ka thang`hat, zan hmanh ah ka lungthin nih a ka cawnpiak. 8 Bawipa cu ka hmaika ah ka chiah zungzal, zeicahtiah amah cu ka pawng ah a um caah zei hmanh nih an ka hnin kho lai lo. 9 Cucaah kaa lawm i kaa nuam, ka pum cu hnangam tein aa din lai, zeicahtiah mithi khua ah na ka kaltak bal lai lo, 10 na sal`ha cu mithi khua hmuh ding na sianh bal lai lo. 11 Nangmah nih nunnak lam, na umnak i dong hngal lo nuamhnak cu na ka hmuhsak lai, na orhlei kam ahcun zungzal in kaa lawm lai.