SALM 3:1-8

Hremnak caan lio miding i zinglei thlacamnak

3. 1 Bawipa, ka ral cu zei tluk in dah an tam, relcawk an si lo, a ka ralchanhtu cu zei tluk in dah an tam, relcawk an si lo. 2 An ca ah a Pathian sin in khamhnak a um lo, a ka dotu hna cu zei tluk in dah an tam, rel cawk an si lo!’ 3 Sihmanhsehlaw Bawipa, nang cu ka pawng i phaw, ka sunparnak, nangmah nih ka lu cu na tun. 4 Bawipa sin ah ka au i a tlang thiang in a ka leh. 5 Kei ka ca ah cun ka zau i kaa hngilh zong ah kaa hlau `han lai, zeicahtiah Bawipa nih a ka zohkhenh ko. 6 Kaa mernak poh ah i tlar in a kham mi ka ral a thongthong hna cu ka `ih hna lo. 7 Bawipa ka Pathian, tho law ka chanh tuah! Ka ral cu an hmai ah na tuk hna, mi`halo cu an ha na khiah hna. 8 Bawipa chung ah khamhnak a um i a mi hna cung ah a thluachuahnak a um!