SALM 5:1-12

Zinglei thlacamnak

5. 1 Bawipa, ka bia cu ngai law ka hraamnak aw cu ka theihpiak ko tuah. 2 Ka Siangpahrang le ka Pathian, Bawmhnak kan hal tikah ka `ahnak aw cu ngai ko! 3 Bawipa, nangmah sin ah thla ka cam. Khua a dei in ka aw cu na theih; zingka tein ka bia cu ka rak chuahpi i nang cu kan zoh ko. 4 Nang cu `hatlonak ah aa lawm mi Pathian na si lo; aho misual hmanh na mileng an si kho lo.5 Miporhlaw cu na hmaika ah an um kho lo. 6 Thatlonak-tuahtu cu na huat hna i lihchim cu na hrawh hna; mipuarhrang le hlenhmang cu Bawipa nih a fih hna.7 Sihmanhsehlaw, a fek mi na dawtnak cu a ngan tuk hringhran caah na inn ah ka ra lai i na biakinn thiang chung kun in upatnak kan pek khawh lai. 8 Khamhnak a pe mi na dinnak lei ah ka hruai tuah, mi nih an ka bawh caah na lam cu fiang tein ka hmuhsak hram ko. 9 An hmurka i bia cu zumh awk zei hmanh a um lo, rawhralnak lawngte an si ko, an hrom cu thlankua bang an si i an lei cu lemnak ca an si.10 Pathian, annih cu sual phaw hna law an thlithup khuakhannak cu an tlaknak si hram hna seh; chim cawk lo an sualnak caah na umnak in chuah hna, zeitintiah nangmah cu an rak in doh cang hna. 11 Sihmanhsehlaw nangmah toi i aa dor mi hna cu an i lawm i lawmhnak hla cu dong hngal lo an sa! Na min a daw mi cu dornak na pek hna i nangmah ah an i lawm.12 Bawipa, miding kha thluachuah a petu cu nangmah na si; phaw bang na mithmai `ha in na thuam hna.