SALM 24:1-10

Hmunthiang ah sunglawi ngai in lutnak

24. 1 Vawlei le a chung-um vialte, leicung le a cung um vialte cu Bawipa ta an si. 2 Rilipi cung ah vawlei hram a bunhtu cu amah hi a si, tivaluang hna cung ah fek tein a bunh.3 Bawipa tlangah aho dah a kai lai? Aho dah a hmunthiang ah a dir lai? 4 A kut le a lung a thiang mi, pakpalawng thil ah a lung a chia lo mi, hlennak ca chiatserh in biakamnak a tuah lo mi a kai lai. 5 Cu bantuk mi nih Bawipa sin in thluachuahnak le a khamhtu Pathian sin in khamh-dinnak cu a hmuh lai. 6 Cu bantuk mi cu amah a kawl mi, Jacob Pathian hmai a kawl mi a si. 7 Kutka hna, nan lu tung tuah u, hlan kutka hna i cawi tuah u, sunpar siangpahrang a lut lai! 8 Hi sunpar siangpahrang cu aho dah a si? A `hawng le a ral a `ha mi, raltuk a `hawng mi Bawipa a si.9 Kutka hna, nan lu tung tuah u, hlan kutka hna, i cawi tuah u, sunpar siangpahrang a lut lai! 10 Hi sunpar siangpahrang cu aho dah a si? Amah cu van ralkap run Bawipa, suanpar siangpahrang a si.