140

Mi`halo hna ralchanh in

140 1 Bawipa, mi`halo hna kut in ka chanh law misual hna sin in ka huppheng tuah, 2 an

lungthin cu chiatnak in a khat, nikhat hnu nikhat buaibainak lawng an ruat, 3 an lei cu rul lei

bang a zum, an hrom ah rul sivai a um.

4 Bawipa, mi`halo hna kut in ka chanh law mipuarhrang hna sin in ka huppheng ko sawh,

annih cu ka tluknak ding lawng an kawl, 5 ka kalnak lam ah rap an chiah, an ruamkai in

keimah foih awk ah ka lam ah khorthukpi an cawh i rap an chiah hna.

6 Bawipa sin ah, ‘Nang cu ka Pathian na si,’ ka ti. Bawipa, ka thlacamnak aw cu ngai ko. 7

Bawipa ka Pathian, ka `hawnnak, ral an rat tik ah ka lu cu na huh. 8 Bawipa, mi`halo hna cu

an duh mi kha pe hna hlah, an khuakhannak chia cu tlinter hlah.

9 A ka dohtu hna nih ka tei hna hlah seh, an `hatlonak lila nih tei hna seh, 10 Mei`il-lin cu an

cung ah ruah bang sur ko seh, zungzal ca nawncek lak ah hlonh si hna seh. 11 Mithangchiat

hmang cu khuazei hmanh ah dinhnak hmu hlah seh, mipuarhrang cu `hatlonak nih

zaangfahnak ngei lo in cawi seh.

12 Bawipa nih zaangfahawk misifak `anh in bia a ceih lai i miharsa kha dinnak a tuahpiak te

lai ti cu ka hngalh. 13 Miding nih na min cu an in thang`hat lai i milungthiang cu na hmaika ah

khua an sa lai.