SALM 57:1-11

~ihnung ral hna lak ah

57 1 Ka zaangfah hram ko, Pathian, ka zaangfah hram ko, nangmah toi ah kaa dor, rawhralnak a dih hlan lo tiang na thladem tang ah kaa dor ko. 2 Cungnung Bik Pathian, ka ca ah zeizong vialte a rak tuahtu sin ah ka au. 3 Van in a run thlah i a ka khamh nakhnga, harnak a ka pe mi hna kha a kham hna nakhnga ka au; Pathian nih a fek mi a dawtnak le zumhtlak a sinak cu run thlah hram seh. 4 Kei cu ka ril i minung sa a haw mi chiandeih hna nih an ka kulh, an haa cu fei le thal, an lei cu vainam har ko khi an si. 5 Pathian cu cungsang ah khin le a Sunparnak cu vawlei cung vialte ah khin conglawmh si ko seh! 6 Ka lam ah rap an chiah ― ralring ngai in ka kun ― ka hmai ah cun ka tlaknak ding khor an cawh, sihmanhsehlaw anmah lila tu an tla. 7 Pathian, ka lungthin cu timhcia a si ko, ka lungthin cu timhcia a si ko; ringawn dawh thlah in na ca ah hla ka sa lai. 8 Ka sunparnak, i hlau tuah, Zinglei `hangh naklai ka tingtang le ka thanglawi hna, i hlau tuah u. 9 Bawipa, nang cu mi hna lak ah kan thang`hat lai, miphun hna lak ah ringawn dawh tum in kan thang`hat lai, 10 zeicahtiah a fek mi na dawtnak cu van nakin an sang deuh i zumhtlak na sinak cu minmei hna tiang an phan. 11 Maw Pathian, nang cu van hna cung ah le na Sunparnak cu vawlei cung dihlak ah conglawmh si ko seh!