A thiangmi Thumkomh Pathian Paui (Year A)

The Solemnity of the Most Holy Trinity

Lectionary: 164

Reading 1 Exodus 34:4b-6, 8-9

 Bawipa nih a fial bangin Sinai Tlang cungah cun a kai i lungtlap pahnih cu aa put hna.Bawipa cu khuadawm in a rung ṭum i a sinah cun a rung dir i ka min cu Bawipa a si, tiah a ti.Bawipa cu a hmaika cun a lan i, "Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si.A biakamnak kha mi thong tampi cungah a hmunhter i palhnak le ṭhat lonak le sualnak kha a ngaihthiam hna; asinain an pale sualnak ruangah an fale le an tule kha a chan thum a chan linak tiang dantat a tlolh lomi a si," tiah a au.Moses cu khulrang in a kun i a biak.Aa thawh i, "Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko," a ti. 

Responsorial Psalm  Daniel 3:52, 53, 54, 55, 56

R. Sunparnak le thangthatnak zungzal in um ko seh!

1.Maw Bawipa, kan pupa hna Pathian, nangmah cu thangṭhat ko. thangthat awk tlak le zeizong vialte cung i cawisan zungzalmi;Cun na min thiang le a sunglawimi cu thangthat si ko seh; chan vialte caah thangthat awk tlak le zeizong vialte cung i cawisanmi a si.

2.Na sunparnak biakinn chungah thluachuak na si. zeizong vialte nakin thangṭhat awk tlak le sunparnak a ngeimi a si zungzal.

3.Na pennak bawiṭhutdan cung i thluachuakmi na si. zungzal in thangthat awk tlak le zeizong vialte cung i cawisanmi a si.

4.Thukpi a zohtu nannih cu lunglawmmi nan va si dah cherubim cung i na bawiṭhutdan cung khan; zungzal in thangthat awk tlak le zeizong vialte cung i cawisanmi a si.