Embedded Files
Fourth Sunday in Ordinary Time
Fourth Sunday in Ordinary Time
Lectionary: 70 (February 1, 2026)
2:3,Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.3:12-13Cuka ah cun nunnem le toidormi kha ka umter hna lai i Bawipa min ah cun himnak an kawl lai i ka sinah bawmhnak hal awkah a ra duhmi an si lai.Israel mi chungin a tangmi hna nih khan ahohmanh nih ṭhat lonak an tuah lai lo, lih zong an chim lai lo, hlennak bia kha an hmur in a chuak ti lai lo. Cun dai tein ramhring lakah khan an tlong lai i ahohmanh nih thinphang in an umter ti hna lai lo.
R. A lungchung in a si a fak mi hna cu zei tluk thluachuak dah an si! Vancung pennak cu anmah hna ta a si.
6 Amah nih van le vawlei, rili le a chungum vialte kha a ser hna.7 A biakam kha zungzal in a zulh, hrem mi hna kha a tanh hna i dinnak a pek hna, rawltam kha rawl a pek; Bawipa nih thongtla cu a chuah hna.R
8 Bawipa nih mitcaw cu khua a hmuhter, a lung a dong mi cu thazaang a pek hna. 9 Bawipanih khual kha a huhphenh hna, ngaktah le nuhmei cu a cawm hna.Bawipa nih miding cu a dawt i mi`halo cu a hrawh.R
9 Bawipanih khual kha a huhphenh hna, ngaktah le nuhmei cu a cawm hna.Bawipa nih miding cu a dawt i mithalo cu a hrawh.10 Bawipa nih zungzal in a uk lai, Zion na Pathian nih chankhat hnu chankhat in a uk.R
Ka u le ka naule hna, Pathian nih a rak in auh hna ah khan, zei bantuk mi nan si kha i philh hlah u. Minung hmuhning lei in ti ahcun, a fimmi le thil a ti khomi le upat hmaizah awk tlak a simi cu tlawmte lawnglawng nan rak si.Vawlei nih zeihmanh ah a rel lomi thil Pathian nih a thim thengnak cu, mifim mi kha an ningzak seh tinak caah a si i vawlei nih a der tiah a timi thil a thim thengnak cu miṭhawng mi le thil ti khomi hna kha an ningzak seh ti caah a si.Vawlei nih thil pipa i a ruahmi kha hrawh awkah vawlei nih a nautatmi le zei i a rel lomi le pakpalawng i a ruahmi hna a thim hnanak cu a si.Cu nih cun a fiantermi cu, Pathian hmaiah cun ahohmanh an i porhlaw kho lo, ti hi a si.Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.Cucaah cun Cathiang nih, "Porhlawt a duhmi cu Bawipa nih a tuahmi kha i porhlawtpi ko hna seh," a ti bang khan, porhlawt a duhmi nih cun Bawipa nih a tuahmi tu kha an i porhlawt awk a si.
R. Alleluia, alleluia. Matthew 5:12a
Nan lung i lawm in nan tha nuam ko seh, zei cah tiah vancung ah nan laksawng cu a ngan lai;
Lunglawmhnak hna
1Mibupi kha a hmuh tikah tlang cung ah a kai. Cun a ṭhut hnu ah a zultu hna cu a sin ah an ra. 2 Cun cawnpiak hram a thawk. Hihi a chimh mi hna cu an si:
3 A lungchung in a si a fak mi hna cu zei tluk thluachuak dah an si!
Vancung pennak cu anmah hna ta a si.
4 A nun a nem mi hna cu thluachuak mi an si!
Vawlei ro kha an co lai.
5 A hraam mi hna cu thluachuak mi an si!
Hnemh an si lai.
6 Dinnak kha tihal in a hal mi hna cu thluachuak mi an si!
Tling lak in an hmuh te lai.
7 Mi zaangfah a hmang mi hna cu thluachuak mi an si!
Zaangfahnak kha pek an si te lai.
8 Lungthin a thiang mi hna cu
Thluachuak mi an si!
Pathian kha an hmuh te lai.
9 Rualremnak a ser mi hna cu thluachuak mi an si!
Pathian fale ti in hngalh an si te lai.
10 A hmaan mi ruang ah hremnak a ing mi hna cu thluachuak mi an si!
Vancung Pennak cu anmah hna ta a si.
11 “Keimah ruang ah mi nih nan cung ah ṭhat lonak an tuah, an in hrem hna i lih a phunphun an in puh hna tikah, thluachuak mi nan si! 12 Nan lung i lawm in nan tha nuam ko seh, zei cah tiah vancung ah nan laksawng cu a ngan lai;
Page updated
Google Sites
Report abuse