Zarhkel Zarh 2nak zarhpi (Year A)

Second Sunday in Ordinary Time

Lectionary: 64 (January 18, 2026 )

Reading 1  Isaiah 49:3, 5-6

A ka thawh i, "Israel, nangmah cu ka sal na si; nangmah ruangah mi nih an ka thangṭhat lai," a ti. Ka chuah hlan in Bawipa nih a ka fial; a mi cu kirpi ṭhan hna awkah le aa ṭhekmi Israel mi kha pumh ṭhan hna awkah, a sal ah a ka ser. Bawipa nih upatnak a ka pek; amah cu ka thazang hrampi a si.Bawipa nih cun a ka thawh i, "Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai," a ti. 

Responsorial Psalm 

Psalm 40:2, 4, 7-8, 8-9, 10

R/  Bawipa hi ka ah hin ka um ko, kei ka lunglawmhnak cu na duhnak tuah a si;

2 tihnung horkuang chung le nawncek pon in a ka chuah. Lungpi cung ah fek tein a ka dirter. 4 Bawipa aa bochan mi, dodalhmang hna lei ah a tang lo mi, cun palhnak lam a zawh lo mi, hna cu zei tluk thluachuak dah an si.R

7 khangh thawinak le sualthawinak hna cu na kan hal mi an si lo; cucaah keimah nih, ‘Hika ah ka um ko, ka ra lio,’ kan ti. 8 Cazual cauk chung ah khan keimah kong ah hitihin aa tial, kei ka lunglawmhnak cu na duhnak tuah a si; ka Pathian, na phunglam cu ka philh bal hna lo.R

8Cazual cauk chung ah khan keimah kong ah hitihin aa tial, kei ka lunglawmhnak cu na duhnak tuah a si; ka Pathian, na phunglam cu ka philh bal hna lo.9 Bawipa i khamh-dinnak cu pumhnakpi ah ka thanh lai. Zoh hmanh, tha tein nan hngalh bang ka hmur ka cip lai lo. R

10 Na khamh-dinnak cu ka thinlung chung ah ka hrenhkhumh lo i zumhtlak na sinak le na khamh-bawmhnak cu ka phuan. Na felnak le a fek mi na dawtnak cu mizapi tonnak ah ka phuan hna lai.R

Reading 2, 1 Corinthians 1:1-3

Pathian duhnak in Khrih Jesuh lamkaltu si dingah kawhmi keimah Paul le kan unau Sosthenes nih, Korin khua i a ummi Pathian khrihfabu kha ca kan in kuat hna.Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.Pathian kan Pa le Bawipa Jesuh Khrih nih vel le daihnak in pe ko hna seh. 

Alleluia  John 1:14a, 12a

Bia cu minung ah a cang i kan lakah khua a rung sa.  Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna. 

Gospel  John 1:29-34

A thaizing ah Johan nih cun Jesuh cu a sin i a rat kha a rak hmuh i, "Zohhmanh u, Pathian Tuufa, vawlei sualnak a kalpitu khi!Amah hi pei, 'Ka hnu in mipa pakhat a ra lai, sihmanhsehlaw amah cu keimah nakin a ngan deuhmi a si, zeicahtiah ka chuah hlan in amah cu a rak um cang,' tiah ka rak chimmi kha a si cu.Amah cu ahodah a si lai ti kha ka hngal lo, sihmanhsehlaw ti in tipilnak ka rak pek lengmang hna cu amah kha Israel mi nih an hngalh khawh nakhnga caah a si," tiah a ti.Cun Johan nih cun, "Vancung in Thlarau cu ṭhuro bantukin a rung ṭum i a cung i aa fut kha ka hmuh.Amah cu ka rak hngal ṭhiamṭhiam lo, sihmanhsehlaw ti in tipilnak va pe hna tiah a ka thlahtu nih khan, 'Mi pakhatkhat cungah Thiang Thlarau kha a rung ṭum i aa fut kha na hmuh tikah, cu pa cu Thiang thlarau in tipilnak a petu hna ding cu a si ti kha na hngalh lai,' a ka ti.Cucu keimah hrimhrim nih ka hmuh i tehte ka khaan. Amah hi Pathian Fapa cu a si ko," tiah a ti.