Zarh hlei linak Zarhpi (Year A)

Psalm 145:1-2, 8-9, 10-11, 13-14

R. Pathian le ka siangpahrang, nang cu vansang ah kan thangthat lai, na min cu zungzal in zungzal tiang ka conglawmh lai.

1. Pathian le ka siangpahrang, nang cu vansang ah kan thangthat lai, na min cu zungzal in zungzal tiang ka conglawmh lai. 2 Nikhat hnu nikhat kan conglawmh lai, na min cu zungzal in ka thangthat lai. R

8. Bawipa cu minunnem le zaangfahthiam a si, a thin a fual i a fek mi dawtnak in a khat. 9 Bawipa cu mi vialte cung ah vel a ngei, a nunnemnak cu ser mi thil vialte ca ah a si. R

 10. Bawipa, na ser mi vialte nih anin thangthat lai i an zumtu hna nih an in conglawmh lai. 11 Na siangpahrang sunparnak cu an phuan lai i na lianhngannak cu an chim lai. R

13. Na siangpahrang sinak cu zungzal siangpahrang sinak a si, na pennak cu chankhat hnu chankhat tiang a hmun. Bawipa bia vialte cu zumhtlak an si i a tuah mi vialte cu a ding. 14 Bawipa nih cun a tlu mi kha a thawh hna i a kun mi kha a cawi hna. R

Alleluia Matthai 11:25

Kha caan ah khan Jesuh nih, “Van le vawlei Bawipa, ka Pa, nangmah cu kan thangṭhat; zei cah tiah hi thil hna cu cathiam le a fim mi hna sin in na thuh i ngakchia men hna sin ah na phuan cang.