Advent Zarhlinak Zarhpi(YearA)

Fourth Sunday of Advent (December 21, 2025)

Lectionary: 10

Reading 1  Isaiah 7:10-14

10. Bawipa nih Ahaz cu bia dang pakhat a cah ṭhan i, 11" Bawipa na Pathian cu hmelchunhnak pakhat in hal tuah, a thuk lei ah mithi khua in a hung chuakmi hmelchunhnak tluk zong thuk ko seh, a sanlei ah vancung in a rung ṭummi tluk zongin sang ko seh, a ti. 12.Ahaz nih cun aa thawh i, "Hmelchunhnak cu ka hal lai lo. Bawipa cu hneksak del zong ka duh lo," tiah a leh.13 Cu tikah Isaiah nih cun aa thawh i, "Siangpahrang David tefa a simipa, ka bia hi ngai tuah. Hi tlukin minung ing na puanter cang pinah hin maw Pathian ing cu na puanter rih lai? 14,Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

Responsorial Psalm 

Psalm 24:1-2, 3-4, 5-6. (7c and 10b) 

R. Bawipa kha lut ter hna u sih, amah cu sunparnak siangpahrang asi.

1 Vawlei le a chung-um vialte, leicung le a cung um vialte cu Bawipa ta an si. 2 Rilipi cung ah vawlei hram a bunhtu cu amah hi a si, tivaluang hna cung ah fek tein a bunh.R

3 Bawipa tlangah aho dah a kai lai? Aho dah a hmunthiang ah a dir lai? 4 A kut le a lung a thiang mi, pakpalawng thil ah a lung a chia lo mi, hlennak ca chiatserh in biakamnak a tuah lo mi a kai lai.R

5 Cu bantuk mi nih Bawipa sin in thluachuahnak le a khamhtu Pathian sin in khamh-dinnak cu a hmuh lai. 6 Cu bantuk mi cu amah a kawl mi, Jacob Pathian hmai a kawl mi a si.R

Reading 2  Romans 1:1-7

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.Cu Thawngṭha cu Pathian nih hlanpi in a profet hna sinin a rak kan kamh i Cathiang chung i a rak i ṭialmi kha a si icucu a Fapa kan Bawipa Jesuh Khrih kong kha a si. Minung lei in ti ahcun David hrinsor a si,thlarau lei in le a thiannak kong in ti ahcun, ṭhawnnak nganpi in thihnak in thawhter a sinak nih khan Pathian Fapa a si kha a langhter.Amah thawngin Pathian nih lamkaltu sinak kha a ka pek i miphun kip chungmi kha zumhnak le Pathian nawlngaihnak i phakter awkah a ka fial;cu hna lakah cun nannih, Rom khua ah a um i Pathian nih Jesuh Khrih ta si dingin an kawhmi hna zong nan i tel ve.Cucaah Pathian nih a dawt i amah mi si dingah an kawhmi hna, Rom khua i a ummi nan dihlak in ca kan kuat hna: Pathian kan Pa le Bawipa Jesuh Khrih nih vel le daihnak cu in pe ko hna seh.

Alleluia  Matthew 1:23

23 “Zoh hmanh, Ngaknu thiang cu fa a pawi lai i fapa a hrin lai; amah cu Emmanuel tiah auh a si lai, a min sullam cu Pathian-kanmah he-a um-tinak a si.

Gospel   Matthew 1:18-24

Josef nih Jesuh cu a fapa ah aa lak

18 Khrih a chuah ning cu hiti hin a si: A nu Mary cu Josef nih a rak ham, asinain an i umh hlan ah Thiang Thlarau thawng in fa a pawi kha an hmuh. 19 A hamtu Josef cu miding a si i amah kha ningzahter a duh lo caah a thli tein mak a timh. 20 Cuti mak awk i a ruah hnu ah khan Bawipa vancungmi cu ruah lopi in a mang ah a rak lang i amah kha, “David tefa Josef, Mary hi na nupi ca ah inn in cohlan awk ah ṭih hlah, zei ruang ah tiah cun fa a pawi mi hi Thiang Thlarau thawng in a si. 21 Fapa a hrin lai i a min ah Jesuh na sak lai – zei cah tiah a mi kha an sualnak in a khamh hna lai,” tiah a ti.  22 Hi vialte a cannak cu Bawipa nih profet in a rak chim mi a tlin lainak caah a si. A chimmi cu: -23 “Zoh hmanh, Ngaknu thiang cu fa a pawi lai i fapa a hrin lai; amah cu Emmanuel tiah auh a si lai, a min sullam cu Pathian-kamah he-a um-tinak a si. 24 Josef cu a hun i hlauh tik ah Bawipa vancungmi nih a chimh mi kha a tuah i Mary cu a inn ah aa ṭinpi.