ROSARY THLACAMNAK 

1.ROSARY THLACAMNAK

Pa, le Fapa, le Thiang thlarau min in Amen.

2.LAMKALTU HNA ZUMHNAK BIA  

           (Mt.28:19-20)

 Zeizong tuah kho, Van le vawlei Sertu Pa Pathian ka zumh. Thiang Thlarau in a pawi i Ngaknu Thiang Mary nih a hrinmi, Pathian Fapa ngeihchun  kan  Bawipa Jesu Kri ka zumh. Pontias Pailat kut ah temhnak a in, vailam an tah, a thi i an vui, Mithi khua ah a tum i nithumnak ah mithi sinin a thothan. Vancung ah a kai i zeizong tuah kho Pa Pathian orhleikam ah a thu. Khi hmun in mithi le minung biaceih awkah a rung tum than lai.Thiang Thlarau ,a thiangmi Katholik Bupi, Mithiang mi pumkhat sinnak, Sualngaihthiamnak, pum thawhthannak le zungzal nunnak ka zumh. Amen.


3.BAWIPA THLACAMNAK 

               (Mt.6:9-13)

Vancung a um kan pa, Na min thiang ko seh, na pennak tlung ko seh, Vancung bangtuk in Lei cung ah na duhnak tuah si ko seh.  Nifah kan herh mi rawl kha nihin kan pe ko  sawh, kan cung i a sual mi kan ngaihthiam hna bangin,kan sualnak kha kan ngaithiam ve tuah.Sualforhnak ah phakter loin that lonak in kan khamh tuah. Amen.


4.NU MARY SIN THLACAMNAK 

             (LK.1:28-42) 

Maw Mary, Pathian vel i na khat i, Bawipa cu nangmah he a um. Nang cu Nuu vialte lak ah thluachuah hmu mi na si i,na chung chuak Jesu kha thluachuah a hmu. Mithiang Mary, Pathian Nu kannih mi sual kha atu le kan thih lai caan ah thla kan cam piak tuah, Amen.


5.THUMKOMH PATHIAN

    THANHTHATNAK

Sunparnak cu Pa le Fapa le Thiang Thlarau cungah um ko seh; hramthawh lio caan bantuk in atu le zungzal um ko seh, dong hin lo in Amen.


6. FATIMA THLACAMNAK

Maw ka Bawi Jesuh, kan sualnak run kan ngaihthiam law, Hell mei-alh khan kan khamh ko; thlarau vialte, abik in na zangfahnak a herh khun mi hna kha vancung ram ah rak hruai ko hna.


7.VOIHNIHNAK PENTIKOST 

   THLACAMNAK

Maw thiang thlarau ra tuah! Na dawtbik mi na innchungnu, Mary Lungthin thiang i hmual a ngei mi thlacampiaknak in ra cang tuah.


8. MAW SIANGPAHRANG BAWINU

Maw Siangpahrang Bawinu, nangmah cu zangfah thiam mi Nu, kan nunnak, kan lunghnemnak le kan ruahchannak na si.thawlnak ing mi kan nih Eve fale nih nangmah kha kanin  auhhnawh,hi mitthli luannak ram in aihram le tah buin nangmah kha kanin auh.maw a kan tanpitu na zangfahnak mit kha kannih lei ah run hoih law,thawlnak hmun in kan luat tikah thlachuah hmuh mi na chungchuak Jesu kha kan hmuhsak tuah,Maw zangfah thiam, Maw Dawt thiam, Maw a thlumbik Ngaknu thiang Mary. Amen.

 H.   Maw a thiang mi Pathian Nu, 

       Thla kan cam piak tuah. 

 Z. Khrih biakkamnak hmuhtlak 

        Kan sinak hnga. 


9.   H. THLACAM U SIH. 


 Z.   Maw Pathian, na fapa ngeihchun i nunnak, thihnak le thawhtthannak thawngin, zungzal nunnak laksawng kha na kan tlanhpiak cang. Ngaknu Thiang Mary i a thiangbik Rosary biathuk hna kan ruahnak thawngin, mah biakthuk hna chung i a um mi kha kan cawn kan zulh khawhnak hnga le an biakamh kha kan co khawmhnak hnga run kan bawm ko, tiah kan Bawipa Khrih min in kanin hal. Amen. 


11.  NU MARY LITANI 


(Nu Mary Litani hi na duhtik caan poah ah Rosary na cam dih tikah peh cam khawh a si. Abik in Nu Mary upatnak pek caan hna ah camchih a si ton, bianakbia May thla, zarhte zan, Mary sin Novena tibantuk hna ah…) 

 

ngaihpiak ko tuah,..R/S

Siangpahrangnu, …

Siangpahrangnu, …

       ngaihpiak ko, Bawipa. 

thla kan campiak tuah,..R/s

kri biakamnak hmuhtlak kan sinak hnga. 

 

THLACAM UH SIH.

Maw Bawipa Pathian, pum le lungthin damnak run kan pe law, a zungzal Ngaknu Thiang Mary thlacampiaknak thawngin, atu ah ngaihchiat lungfahnak in kan luatter law zungzal lunglawmhnak kan conak hnga run kan zangfah ko, tiah kan Bawipa kri min in kanin nawl. Amen. 

 

12. ROSARY BIA THUK HNA


(A) LUNGLAWMNAK BIATHUK HNA:


1. Vancungmi nih Mary Sin 

    thawngthanhnak, (Luke. 1: 26- 38)

2. Mary Elizabeth sin lennak, 

    (Luke 1:39-58)

3. Bawi Jesu chuahnak, (Luke. 2:1-20)

4. Biakinn ah kan Bawipa an 

    pekchannak, (Luke. 2:22-39)

5. Biakinn ah kan Bawipa an 

    hmuhtthannak.( Luke.2:41-52)


(B) CEUNAK BIAKTHUK HNA


 1. Jordan tiva ah tipil innak, 

            ( Mt. 3:16-17)

 2. Kana khua nupi tthitnak ah aa 

     phuannak, (Jn. 2:4-6)

 3. Pennak kong chimhnak le 

     lungthlennak ah auhnak

           (Mk.1:14-15)

 4. Muihmel thlennak, ( Lk. 9: 35)

 5. Bawipa Thisa Sernak,( Lk. 22:19-20)


(C) NGAICHIATNAK BIATHUK HNA

 1. Gesmani dumah Bawipa chung

      vanghnak, ( Mt. 26: 36- 46)

 2. Tung ah an ttem i an tuk an 

      velhnak, ( Mt. 27:26)

 3. Hling luchin an chinhnak, 

           ( Mt. 27: 29- 30)

 4. Vailam a putnak, ( John. 19: 17)

 5. Vailam cung a thihnak. 

         ( Mt. 27: 35 – 50)


(D) SUNPARNAK BIATHUK HNA

1. Bawi Jesu thawhtthannak, 

    ( Mt. 28: 1- 20)

2. Bawi Jesu vangvung kainak, 

    ( Lamk. 1: 9- 11)

3. Thiang thlarau ttumnak, 

    ( Lamkaltu. 2: 1- 41)

4. Mary vancung ah cawinak, 

    (Biathlam. 12: 1- 6)

5. Mary Siangpahrangnu luchin 

    Chinhnak. ( Bia. 12: 1) 

 

BIATHUK RUAHNAK CAAN 

 

1. Lunglawmhnak biathuk hna hi Advent le Krismas caan chung Zarhpi ni hna ah ruah awk a si;

2. Ngaihchiatnak biathuk hna hi Lent caan Zarhpi ni hna ah ruahawk a si i,

3. Sunparnak biathuk hna hi Thawhtthan caan Zarhpi ni hna le a dang Zarhpi ni sawhsawh ah ruah ding a si.

4. Cun Zarhkhat chungah;

(a) Cacawn nikhat ni le Zarhte ni ah lunglawmhnak biathuk hna,

(b) Cacawn nihnih le ninga ah Ngaihchiatnak biathuk hna le,

(c) Cacawn nithum le Zarhpi ni ah Sunparnak biathuk hna ruah awk a si.

(d) Cacawn nili ni ah Ceunak biathuk hna ruah awk a si.

5. Rosary tling tein cam a duhmi caah biathuk a zapi in ruah dih awk a si.

(No. 4 nak ning zongin kum khat chung cam khawh a si.)