ZARHNGANAK EASTER NIKHAT NI
Memorial of Saint Catherine of Siena, Virgin and Doctor of the Church
April 29, 2024
Lectionary: 285
. 5 Cun Jentail mi hna le Judah mi hna nih khan, an hruaitu hna he, lamkaltu hna kha nihsawh le lung in cheh awk kha an i tim. 6 Cu kong cu lamkaltu hna nih an theih tikah Likaonia ram i a ummi Listra le Derbe khua le cu khua hna pawngkam ram ah khan an zam. 7 Cuka ah cun Thawngṭha kha an va chim. 8 Listra khua ah cun kebeimipa pakhat a rak um; amah cu a chuah kate in a beimi a si i a kal kho bal lo. 9 Khika ah cun a ṭhu ve i Paul bia kha a ngai ve. Paul nih cun, hi pa nih hin ka chimmi hi a zumh i damh khawh a si lai, ti kha a hmuh caah amah cu dengteo in a vun zoh i 10 aw thangpi in, "Na ke in ding tein dir tuah," tiah a ti. Mipa cu a hun i hlawk i aa chawk kho ai. 11 Paul nih a tuahmi kha mibupi nih cun an hmuh tikah an Likaonian holh in an au i, "Minung bantuk ah pathian cu an i cang i kan sinah an rung ṭum," tiah an ti. 12 Barnabas kha Zeus pathian tiah an ti i Paul kha a holh lengmangtu a si caah Hermes tiah an ti. 13 Khua lengte ah biakinn a ummi Zeus pathian tlangbawi nih khan cawtum hna le pangpar ṭhirual hna kha kutka ah khan a rak put hna. Amah le mizapi hna nih cun lamkaltu hna kha raithawinak pekchanh an timh hna. 14 Barnabas le Paul nih tuah an i zalhmi kha an theih tikah an puan kha an thleh i mibupi chungah cun an zuang cutmat i 15 "Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si. 16 Hlanah cun mi vialte kha anmah duhning cio lam zulh kha a onh ko hna. 17 Sihmanhsehlaw amah a um kha thil ṭha a tuahmi in a langhter zungzal ko: van in ruah an pek hna i a caan hmaan te ah thlaiti an pek hna; rawl kha an pek hna i lunglawmhnak in an khahter hna," tiah a ti. 18 Lamkaltu hna nih hiti in bia an chim na hmanh hin, mibupi cu har le fe in an sin i raithawinak pekchanh kha an kham khawh hna.
R. Kanmah si loin, Bawipa na min lawnglawng hi sunparnak pek awk cu na si.
Kanmah si loin, na min lawnglawng hi sunparnak pek awk cu na si, Bawipa, zeicahtiah na dawtnak cu a fek i zumhawktlak na si. 2 Zeicahdah miphun dang hna nih, "Nan Pathian cu khoika ah dah a um?" tiah an kan hal lai?
3 Kan Pathian cu vancung ah khin a um i a duhmi paoh kha a tuah ko. 4 Annih pathian tu cu sui le ngun in sermi an si, minung kut nih a sermi an si.
15 Van le vawlei a sertu Bawipa nih cun, thluachuahnak in pe ko hna seh! 16 Vancung khi Bawipa ta a si, sihmanhsehlaw vawlei hi cu, mi kha a pek hna.
R. Alleluia, alleluia.Jn 14:26
ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.
. 21 "Ka nawlbia kha a cohlang i a zulmi paoh cu keimah a ka dawmi an si. A ka dawmi cu ka Pa nih a dawt ve hna lai; kei zong nih ka dawt ve hna lai i an sinah kaa phuang lai," tiah a ti. 22 Judas Iskariot a si lomi Judas nih khan, "Bawipa, zeitindah vawlei sinah i phuang loin kanmah sin lawngah naa phuan khawhning cu a si lai?" tiah a ti. 23 Jesuh nih cun, "A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai. 24 A ka daw lomi paoh nih ka bia kha an ngai lo. Ka chimmi bia nan theihmi hi keimah bia a si lo, a ka thlahtu ka Pa bia a si. 25 "Hi vialte hi nan sin ka um lioah hin kan chimh hna, 26 sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai. 27