Zarhhnihnak Easter Cawn nihnih Ni
April 9, 2024 (Year B)
Lectionary: 268
. 32 Cun zumtu hna cu an bu ningte in an ruahnak le an lungthin aa khat dih. Ahohmanh nih an thil kha, keimah ta, an ti lo i an ngeihmi paoh kha an i hrawm dih. 33 Lamkaltu hna nih khan Bawipa Jesuh thihnak in a thawhṭhannak kong kha fak piin an chim i Pathian nih an dihlak in thluachuahnak tampi a pek hna. 34 An lakah herh baunak a ngeimi ahohmanh an um lo. Lo a ngeimi nih si hna seh, inn a ngeimi nih si hna seh, an thilri cu an zuarh hna tikah a man tangka an hmuhmi cu 35 lamkaltu hna sinah khan an rak put hna i tangka cu a herhmi paoh kha an herh baunak ning cio ah an phawt hna. 36 Cu bantuk cun Saipras tikulh i a chuakmi Levi mi Josef nih 37 a lo kha a zuarh i tangka kha a rak put i lamkaltu hna kha a pek hna; Josef cu lamkaltu hna nih khan Barnabas tiah an kawh, a sullam cu Thazang Petu tinak a si.
R. Bawipa cu siangpahrang a si! Rumra in aa thuam i a tai cu thazang in aa sawmh.
Bawipa cu siangpahrang a si! Rumra in aa thuam i a tai cu thazang in aa sawmh.
Vawlei cu a umnak hmun ah khan fek tein a chiah i a hninh in hninh khawh a si lo. 2 Bawipa, na bawiṭhutdan cu a hramthawk tein a fek i nangmah cu caan thawk hlan in na rak um cang.
5 Bawipa, na phunglam cu zungzal in an hmun, na Biakinn cu zungzal in zungzal tiang a thiang taktak.
R. Alleluia, alleluia.Johan 3:14-15
Moses nih dar rul kha thetse ram lakah a tar bantuk khan Mi Fapa zong hi tar a si ve lai. 15 Cucaah cun amah a zummi paoh nih zungzal nunnak an ngei lai.
Thawngthabia,Johan 3:7b-15
7 'Hrin ṭhan nan si hrimhrim awk a si,' ka ti tikah na khuaruahhar hlah. 8 Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve," tiah a ti. 9 Nikodemu nih cun, "Zeitindah cucu a si khawh lai?" tiah a ti. 10 Jesuh nih cun a thawh i, "Nang cu Israel mi cawnpiaktu saya ngan na si i hi hmanh na hngal lo maw? 11 Biatak tein kan chimh: kannih cu kan hngalhmi kha kan chim i kan hmuhmi kha tehte kan khan, sihmanhsehlaw kan chimmi cu ahohmanh nih cohlan nan duh lo. 12 Hi vawlei cung thil kong ka chim hmanh ah nan ka zumh lo ahcun zeitindah vancung thil kong ka chim tikah nan ka zumh khawh kun lai? 13 Vancung in a rung ṭummi Mi Fapa dah ti lo cu ahohmanh vancung i a kaimi an um bal lo." 14 Moses nih dar rul kha thetse ram lakah a tar bantuk khan Mi Fapa zong hi tar a si ve lai. 15 Cucaah cun amah a zummi paoh nih zungzal nunnak an ngei lai.