382.  ṬHITUMNAK HLA

Key:Bb

1. Pathian nih hlan pi in ṭhitumnak a ser, A thiang mi hna chungkhar si awkah;Hmaizah le zumh awktlak in an umnak hnga,A thiang nunnak thar an ngeihnak lai.

Cho:Thanuam in lawmhpi cio hna u sih; Kan hawikom dawt ṭhitumnak puai hi, Atu kan lawmhpinak hi vancung phan seh, Vawlei an nunnak a dongh hlantiang.

2. Jesuh nih Khrihfabu kha a dawt caah; A ca nunnak kha a pek bangin; Hi nupiṭhipa zong nih daw zungzal seh; A thiang mi cawnpiaknak ngai hna seh.

3. Bawipa, annih cu na kut ah kanin chanh; An cungah na thluachuah hmuhter tuah; Ngaihchiat lunglawmhnak hrawmter zungzal in, An ṭhawnnak nangmah ca hmang hna seh.