Zarhhnihnak Easter Cawn nili ni
Memorial of Saint Stanislaus, Bishop and Martyr
April 11, 2024
Lectionary: 270
Lamkaltu hna kha an run luhpi hna i khawngsil hmaiah khan an dirter hna i Tlangbawi Ngan nih khan kherhlai hram a thawk hna. 28 A thawh hna i, "Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh," tiah a ti. 29 Peter le lamkaltu dang hna nih cun an leh i, "Minung nakin Pathian nawl kan ngaih deuh awk a si. 30 Nannih nih Jesuh cu vailamtahnak i nan thah hnuah kan pupa hna Pathian nih thihnak in a thawhter ṭhan. 31 Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang. 32 Hi thil vialte hna tehte hi kanmah hi kan si — kanmah lawng si loin Pathian nih amah nawl a ngaimi hna sinah a pekmi Thiang Thlarau zong hi tehte cu a si ve," an ti. 33 Khawngsil pawl nih hi bia kha an theih tikah an thin a hung tuk hringhran i lamkaltu kha thah an duh ko hna.
R/Santlai lomi nih amah cu an auh i a leh hna;
A tuahmi thil ruangah khan ka thangṭhat lai; hremnak a ingmi nih thei u law i lawm tuah u. 3 A mi vialte hna, Bawipa cu ṭih tuah u, amah a ṭihmi nih cun an herhmi thil vialte kha an hmuh. 10
Miding mi nih cun Bawipa kha an auh i an bia kha a ngaihpiak hna, an harnak chungin a chuah hna. 18 Lung a dongmi kha Bawipa nih a umpi hna i ruahchannak a ngei lomi kha a khamh hna.
19 Miṭha nih harnak tampi a in tawn, sihmanhsehlaw harnak a inmi chung khan Bawipa nih a khamh; 20 Bawipa nih him tein a zohkhenh i a ruh pakhat hmanh a kiak lo.
R. Alleluia, alleluia.John 20:29
Jesuh nih cun, "Na ka hmuh caah na ka zumh. Sihmanhsehlaw keimah hmu loin a ka zummi hna caah cun lunglawmh awk a va si dah," tiah a ti.
Thawngthabia John 3:31-36
Cunglei in a rungmi cu a dang vialte nakin a ngan deuh, vawlei in a rami cu vawlei ta kha a si i vawlei cung thil kong kha a chim. Cunglei in a rami cu zeizong vialte cungah a um. 32 Amah nih cun a hmuhmi le a theihmi kha a chim, sihmanhsehlaw ahohmanh nih a chimmi kha an cohlang lo. 33 A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter. 34 Pathian nih a thlahmipa kha a Thlarau cu tling tein a pek caah, Pathian bia cu a chim. 35 Pa nih a Fapa kha a dawt i zeizong vialte kha amah kut tangah a chiah dih. 36 Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.