SIRACH 3

Nulepa sin ṭuanvo hna  

3 Ka fale hna nan pa ka si bang in ka bia cu ngai u: kan chimh mi hna hi tuah ulaw nan him lai; 2zei cah tiah Bawipa nih an pa cu a fapale hna nakin a upat deuh i an nu covo cu a fale cung  ah a chiah.  3A pa a upat mi cu a sualman a liam a si, 4a nu a upat mi cu chawva aa khon mi he an i lo.  5A pa a upat mi cu a fale hna he aa lawm lai, bawmhnak hal in thla a cam tikah a thlacamnak cu theihpiak a si lai. 6A pa a upat mi cu a nunkhua a sau lai i Bawipa nawl a zul mi poh nih a nu lung a nuamter.  7Cu bantuk mi cu a nu le a pa kha Bawipa bantuk in a rianh hna. 8Na pa kha tuahsernak he upat law a thluachuahnak cu na hmuh lai. 9Zei cah tiah pa thluachuahnak nih fale hna inn kha a fehter, sihmanhsehlaw nu chiatserhnak nih a hram in a coih. 10Na pa tlak kha vaa lawm hlah, zei cah tiah na pa tlaknak nih upatnak an pe lo; 11zei cah tiah mi pakhat i upatnak cu a pa a hmuh mi upatnak in a ra; mualphoh mi nu cu a fale hna ca ah chimhrinnak a si. 12Ka fapa, na pa cu a tarlei ah zohkhenh law a chan chung a ngaihchiatter hlah. 13A lung a loh cang hmanh ah theithiamnak pe ko, na dam i na tha a um lio ah amah cu nautat hlah, 14zei cah tiah mah pa cung dawtnak cu philh a si bal lo i nangmah ca ah sualman liamnak a si lai. 15Vanchiat na ton tikah Bawipa nih an philh lai lo i na sualnak cu nilin lak hawhra bang na sualnak cu an lo dih lai. 16A pa a hlaw mi poh cu pathian chiat a serh mi he an i lo, cun a nu a ngaih a chiatter mi poh cu Bawipa nih chiat a serh hna.

Toidornak

 17Ka fa, na rian cu nemnak he tuah hna law tampi a pe mi nakin duh deuh na si lai.  18Na lianhngan deuhdeuh poh ah tang ah naa dor deuhdeuh awk a si, cuti cun Bawipa sin in mithmai ṭha na hmuh lai; 20Bawipa huham cu a lianngan nain mitoi ah aa dor i upatnak kha a cohlan. 21Na ca ah a har tuk mi thil kha fian i zuam hlah, na ṭhawnnak pinlei ah hmuh i zuam hlah.  22An in thiah mi rian ah na lung chia hna, biathuk kong ah na lungre thei duh hlah seh.  23Na ti khawh lonak mi thil ah vaa thlak hlah; atu na cawn i na hngalh mi thil hi minung phun theihnak pinlei a phan cang.  24Zei cah tiah mi tampi cu an ruahdamnak nih a pialpi cang hna, ruahdamhnak ṭha lo nih an biaceih lairelnak cu a tuam cang hna.  

Porhlawtnak

26A lung a khong mi cu a donghnak a ṭha lai lo, cun mei a dek mi cu a rawk lai.  27A lung a khong mi cu buaibainak nih a nenh te lai, misual nih sualnak pakhat hnu pakhat a thuat. 28 Zei cah tiah miruamkai zawtnak ca ah sii a um lo, zei tin tiah ṭhat lonak a hram a fek cang.  29Khuahngal nih bianabia hna kha a ruah hna, bia a ngai mi hna cu mifim i mang an si.

Misifak cung dawtnak

 30 Ti nih mei kha a thah, pekṭhenhnak nih sual man a liam. 31dawtnak a hngal mi poh cu hmailei ca a ruat mi a si, a tlak tikah cu bantuk mi cu bawmhnak a hmu lai.