SIRACH 45
Moses
45 Jacob hrihram chung in a siang mi, minung phun vialte mit hmaiṭha a hmu mi le Pathian le a mi hna nih an dawt mi Moses a chuahter, philh awk ṭha lo a si. 2Sunparnak ah a mithiang hna he a cawisan i a ral nih an ṭih nakhnga ṭhawnnak a pek. 3Moses bia thawng in harnak tampi a daihter i siangpahrang hna upatnak kha a co: A mi hna ca ah nawlbia a pek i zeimawzat a sunparnak kha a hmuhsak. 4Zumhtlak a sinak le a nemnak ca ah a thianter i minung phun dihlak chung in amah lawng kha a thim; 5a aw kha a theihter i khuamui lak ah a hruai; 6nawlbia, nunnak phunglam le hngalhnak kha hmaitonh in a pek, cun Jacob kha a chimhrinnak le Israel kha a biachuah cu cawnpiak hna awkah ṭuanvo a pek.
Aaron
7Pathian nih Moses bantuk in a thiang mi, a unau Levi phun a si mi Aaron kha a cawisan. 8Pathian nih amah he zungzal biakamnak a ser i amah kha a mi hna tlangbawi sinak kha a pek.
1. 9A angkifual a kulhtu ah taleti a pek hna i a karhlankip ah a ring i 11Temple in a thawng theih ding ah sui taisawm tampi, a mi hna i an tefa hna nih an hngal ṭhan naklai, 12 10 a thiang mi suipuan, hringdum le senduk lungvar, sui zungthiam hna kutzung, lungthintak biaceihnak, 13 kutzungthiam hna kutneh ah a sen mi samphiar bantuk urim le Thummim, ; l11ungvar ṭamh thiam hna nih tacik bantuk in ser i sui in ṭamh mi lungvar mansung, Israel phun hleihnih hngalh ṭhannak ca ah cakhenh mi; 14-12 a lupawng ah siangpahrang sui luchin bantuk, sang hlei in tamh, a dawh tuk mi thiamnak in zoh a dawh naklai ṭamh mi a si. 15 -13A hmai ah hi bantuk duhnung thil hna hi a rak um bal lo i 16 aho hmanh nih an rak i thuam bal lo., asinain amah a fale hna le a tefa hna lawng nih a zungzal in an i thuamhnak. 17-14 A raithawinak cu nikhat ah voihnih le a zungzal in an zapi in khangh a si lai,
18-15 Moses nih amah kha thian a cheh i chiti thiang a thuh; cun hihi cu amah le a tefa hna ca ah thisen biakamnak a si i van a hmunh chung poh a hmun zungzal lai, cun tlangbawi sinak in biaknak kha a hruai lai i Bawipa min in mipi cu thluachuah a pek hna lai. 16 Amah cu ser mi vialte chung in Bawipa sin ah thawinak pekchanh awk, philh lonak ca ah zihmui le rimhmui pekchanh awk le mipi ca ah sual pekchanhnak tuahpiak awkah thim mi a si. 17Jacob kha a nawlchuah chimh le Israel kha a Phungbia in fimnak pek awkah a kut ah a nawlbia a chanh i a Phungbia cawnpiaknak awkah ṭuanvo a pek. 18Thetse ram ah khan midang nih an rawi an nahchuah, annih cu Nathan, Abiram le a mi hna, Korah le a a tilawng khalhhawi an si. 19 Cucu Pathian nih a hmuh i a lung a tling lo, a thinhun in an nunnak a donghter; khuaruahharnak a tuah i mei in a khangh dih hna. 20Aaron kha sunparnak cu a chap i ro kha a pek; 21Thlaithar pekchanhnak cu amah ca ah a ti i changreu cu a duh zat in a tam khawh chung in a pek. 22Cucaah Bawipa nih amah le a tefa hna sin ah a pek mi Bawipa raithawinak cu an ei. Sihmanhsehlaw zapi hmunram cu zei hmanh a co lo, miphun hna lak ah amah lawng nih zei hmanh a co lo, ‘Zei cah tiah keimah hrimhrim hi na covo le na roram cu ka si,’tiah a ti.
Pinhas
23Eliazar fapa Pinhas cu Bawipa ṭihnak ah a ṭan tuk caah sunparnak ah pathumnak a si, amah cu mipi ral an thawh tikah ralṭhatnak le ṭhawnnak he fek tein a dir, cuti cun Israel mi hna ca ah sualman liamnak a tuahpiak hna. 24Cucaah amah he daihnak thisen biakamnak kha a tuah i amah le a tefa hna ca ah zungzal tlangbawi sinak upatnak kha a hmuhpiak. 25Cun Judah phun chung in Jesse fapa, David he zong thisen biakamnak a tuah rih, cucu a tefa chung lawng in siangpahrang a changchang sinak a si, nain Aaron tlangbawi sinak cu tefa vialte cung ah a phan. 26A mi kha ding tein bia na ceih khawh nakhnga Pathian nih na lungthin cu fimnak in khahter ko seh, cuti cun na pupa hna nunzia ṭha cu uai lo in an sunparnak cu nan tefa hna sin ah chankhat hnu chan khat a hmun lai.